كمل للاخر عشان تعرف حكم اللي بيغتاب و اعرف نصيحة عن اللي هتنشره و ممكن يكون سبب في هلاكك ونجاتك 🙂
ربنا بيحذرنا من الغيبه و مش بس كده لا دا بيشبه اللي بيغتابوا بانهم بياكلوا لحم انسان ميت
الرسول ﷺ قال احاديث كتيره في موضوع الغيبه هقولك منهم خمس احاديث دلوقتي علي فكره خمسه كده قليل بالنسبه للاحاديث اللي ذكرت في الموضوع ده لان الموضوع مهم جدا و للأسف ناس كتير بتغفل عنه وكل الاحاديث صحيحه طبعاً.
الحديث الأول :
عن ابي هريره -رضي الله عنه- عن النبي ﷺ قال:{ وَمَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيَقُلْ خَيْرًا أَوْ لِيَصْمُتْ. }
الحديث الثاني :
عن ابي موسي رضي الله عنه قال قُلت يارسول الله أي المسلمين أفضل؟ فقال الرَسُول ﷺ :{الْمُسْلِمُ مَنْ سَلَمَ الْمُسْلِمُونَ مِنْ لِسَانِهِ وَيَدِهِ}
الحديث الثالث :
وَعَنْ سَهْلِ بْنِ سَعْدٍ ، عَنْ رَسُولِ اللَّهِ ﷺ قَالَ : { مَنْ يَضْمَنْ لِي مَا بَيْنَ لَحْيَيْهِ وَمَا بَيْنَ رِجْلَيْهِ أَضْمَنْ لَهُ الجَنَّةَ}
الحديث الرابع :
وقال النَّبيّ ﷺ : { إِذَا أَصْبح ابْنُ آدَمَ، فَإنَّ الأعْضَاءَ كُلَّهَا تُكَفِّرُ اللِّسانَ، تَقُولُ: اتِّقِ اللَّه فينَا، فَإنَّما نحنُ بِكَ؛ فَإنِ اسْتَقَمْتَ اسَتقَمْنا، وإنِ اعْوججت اعْوَججْنَا }
الحديث الخامس :
قال رسول الله ﷺ : «لما عُرِجَ بي مَرَرْتُ بقوم لهم أظْفَارٌ من نُحَاسٍ يَخْمِشُونَ وُجُوهَهُمْ وَصُدُورَهُم فقلت: مَنْ هؤُلاءِ يا جِبْرِيل؟ قال: هؤلاء الذين يَأكُلُونَ لحُوم الناس، ويَقَعُون في أعْرَاضِهم!».
الموضوع كبير فلا تستهينوا به وطبعا الكلام ده مش ف الكلام وبس لا وعلي السوشيال ميديا برضو يعني انت ما تنشرش بوست بتغتاب فيه حد او تعمل شير لاي بوست مهما كان بيغلط في مين او بيقول ايه يا تنشر المهم واللي الناس هتستفيد منه يا ماتنشرش لانك هتتحاسب على كل ده لانك لما بتنشر شئ بتساعد انه يوصل للناس اكتر فلو هو شئ ضار مثلاً ف انت ساعدت فيه.
وشكرا 🙂♥️♥️
*******
بوسطه :سيف عطوش
ليست هناك تعليقات:
إرسال تعليق