اهم النقاط الفارقه في الثانويه العامه 

********

اولا الجذء الديني و النفسي

✓✓✓✓✓✓✓✓✓✓✓✓

١)لازم تبقي عارف انت عايز ايه مش مجرد تأديه واجب

 

٢)عينك ع كليه شايف نفسك فيها 

٣)اخلق جواك نيه انك عايز تفرح ابوك و امك و هتاخد ثواب ع كل دقيقه بتذاكرها بالنيه دي 

٤) قرب من ربنا و متتكسفش و متخليش الشيطان يقولك شكلك وحش قدام ربنا و انت مصلحجي و كدا بالعكس دا اكتر وقت ربنا بيقبل من عبده لما عبده يكون عارف انه هيلف يلف و مش هيلاقي غير طريق ربنا ال هينجيه

 

٥)ف الفتره دي هتتكون شخصيتك ال هتكمل بيها طول حياتك يعني او انتظمت ف الصلاه صدقني هتفضل طول حياتك كدا و لو شربت دخان هتفضل طول حياتك كدا ف حاول تجمل شخصيتك و تعدلها للأحسن عشان دا الشكل ال هتثبت عليه 

ثانيا الجذء الدراسي 

✓✓✓✓✓✓✓✓✓✓

١) اسمع كلام المدرسين كويس جدا لأنه اتعامل مع الاف الطلاب و يقدر يديك نصيحه تفيدك 

٢) اعمل كل الواجبات اول متروح من كل درس دا هيثبت المعلومه بنسبه كبيره 

٣) قبل متروح الدرس تبص بصه ع محتوي الحصه ال قبلها 

٤)اوعا تأجل اي حاجه ل بعدين هي دي الكارثه 

٥) اوعا تتكسف تسأل المدرس و اعرف ان ال هتتحرج تسأل فيه دا هو ال جاي ف الامتحان 

٦) الحاجه ال انت مستتأل دمها و بتقول صعب تيجي الامتحان كله بيجي منها 

٧) قبل الامتحان ب شهر تبص بصه ف كتاب المدرسه لكل ماده 

٨ ) اول لما تخلص المنهج تجيب كتب امتحانات محلوله و تحل و تصحح لنفسك و كل غلطه تسجلها ف نوت اعرف ان هيجي منها ف امتحانك 

٩) اعمل كراسه ل نفسك تكتب فيها كل حاجه انت عايز تعملها ك مخطط يومي او او اسبوعي عشان لو قصرت يبقي التقصير قدام عينك 

١٠) اوعا تغش ف اي امتحان مدرس لازم تحدد مستواااك