وسيباني بقالك زمان
يا عشق واصل منتهاه
وانا عاشق و ف بعدك عني نسيت معاني الحياه
والعاشق تجوزله الرحمه
ودعوة بالصبر والسلوان
دا ميت جدا ف اوجاعه
لانه العاشق الولهان
وليه اتكلم بصيغة هو
دانا اللى اتجردت من الحنان
نفسي اسمع صوتك واقولك بس وحشتيني
حتى لو كنتي نستيني
هفضل المخلص الولهان
يا اول حب ف سنيني
وف الاخر سبتيني حطام
وحشتيني
بقالك كتير عاشق
بقالك كتير مشتاق
لواحده فضلت الفراق
بقالك كتير فاقد لذة الاشياء
ع طول سرحان
ع طول بتفكر ف اللى كان
نفسك تاني ترجع تحس بالحنان
لساك عشقان
لساك ولهان
ميت ف الكون او مقتول
ومفيش حاجه عارفه تحييني
وحشتيني
بقيت مدمن للقهوه
وواقف تعملها ببطء شديد
خيالك راسم فستانها
وودانك سامعه صوت مزيكا
وبترقص معاها ع الحانها
وتميل عليها وتقولها
ف حضنك ضميني
وحشتيني
دي القهوه فارت من ساعة
واديا اتلسعت من النار
بسرعه بحُبك داويني
وحشتيني بجد
وحشتيني
ليست هناك تعليقات:
إرسال تعليق