........................................
يللي وجودك بهجه لمعظم الناس
ومع انك اتجرحت ف مشاعرك لساك حساس
ومع انا قلبك مكسور لسه بيدق وبيقول حبيبتي ياملهمه
ياسبب جروحي المؤلمه
ضحكة عنيكي لو شافتها ارض بور
تشع بلمعة الماس
وتتحول من ارض جافه لارض ملونه
الضحكه اللى سحرتني وخلتني حبيبتي دايب ف عيونك
وخلتني متعلق بقيودك
انا حر بس كلام
لكن الفعل انا محبوس
الفعل كأني ف كابوس
كان بدايته حلم جميل
اكتشفت انه كان تمثيل
وف حياتك انتي كفاعل مضافله نون توكيد او حتى تاء تأنيث
مايضفش حاجه ف اعراب ايامي
لساني حبيس ف سجن تقديره انتي
اصل انا ف يوم جيتك وندهتك ببنتي
وقولتلك بعشقك ساعتها انتي ضحكتي
وع كتفي ميلتي وقولتي بحبك بصوت كله حنان
ايوة مانستش اللى كان
اصل الحب بيمشي ف الدم
والدم عمره مايبقى مَيَّه
والحبيب عمره ماكان ضحية
ياام العيون الطيبة
لو عرفتي ايه جوايا
كنتي بيعتي حياتك ف مقابل انك تبقي معايا
انتي المشتبه فيه وقت رنة رقم غريب
جسمي كله يسيب
ويبدأ قلبي يدق
واحس احساس اول يوم فراق
لما الاقي صوت غيرك
ياستي كتر خيرك
ع الاقل خليتي قلبي يدق
يعني فرحة قلبي مع رساله جت ع الother ..تكونيش انتي !؟
لكن برضو يطلع غيرك
برضو كتر خيرك خليتي قلبي يفرح
لكن عدى ايام وشهور
ويزيد ف قلبي كسور
وانا مستنيكي ومقهور
ع كل يوم يعدي وانتي عني بعيده
نفسي انسى وابص للحياه بمنظور فرحه وسعادة وسرور
ماهو يا انسى اللى كان بينا
يا يرجع اللى بينا تاني
ايوة لساكي وحشاني
واتمنى اشوفك وانا كهل سنداني
وضحكة الطفله اللى جواكي تطلع عشان معنداني
وابتسامتي تملى وشي عشان مجنناني
ياستي كتر خيرك لسه بترسمي علي وشي البسمة
لكن قلبي معلهوش ولا رسمة
ماهو قلب مكسور كل اللى فيه شقوق
بس بضحكتك الاقي الدنيا شروق
وليكي ف الخيال اشكال
فرح وبيت وعيال
ف حبك اقول موال
بس اني اوصف ضحكتك صعب
ايوة وصفها شئ صعب جدا يتقال
انتي المشتبه فيه وقت رنة اي رقم غريب
ردحذففجسمي كله يسيب😔
الله عليك ي فخر العرب
حذف